Dechrau Da yng Nghymru
Mae Dechrau Da yng Nghymru wedi bod yn newid bywydau plant er gwell ers dros ddeng mlynedd.
Mae darllen gyda'ch plentyn yn sgil allweddol sy'n helpu i ddatblygu ei leferydd a'i iaith. Felly p'un a ydych yn darllen stori amser gwely neu'n rhannu cerddi doniol gyda'ch gilydd yn ystod teithiau hir yn y car, byddwn yn eich annog i gymryd pum munud bob dydd i fwynhau ychydig o amser gyda'ch gilydd oherwydd bydd eich plant yn siŵr o gael budd ohono.
Keith Towler, Comisiynydd Plant Cymru
Mae Dechrau Da yn rhoi pecynnau llyfrau dwyieithog am ddim i bob plentyn yng Nghymru pan fyddant yn naw mis oed ac yn ddwy flwydd oed er mwyn ysbrydoli cariad at ddarllen a fydd yn rhoi dechrau da iddynt mewn bywyd.
Mae Dechrau Da yn rhoi'r canlynol i chi...
- Llyfrau am ddim i'w rhannu gyda'ch plentyn
- Cymorth ac arweiniad wrth i chi ysbrydoli cariad at ddarllen yn eich plentyn
- Cyfle i gysylltu â theuluoedd eraill mewn digwyddiadau cymunedol bywiog a llawn hwyl
- Lle i ddod o hyd i bopeth sydd ei angen arnoch i rannu llyfrau, straeon a rhigymau gyda'ch plentyn, ar-lein.
Sut mae Dechrau Da yn gweithio yng Nghymru
Caiff Dechrau Da ei reoli gan swyddfa Cymru yr elusen annibynnol Booktrust a caiff ei ariannu gan Lywodraeth Cymru.
Mae'r nawdd hael a roddir gan gyhoeddwyr llyfrau plant a llyfrau Red House yn sicrhau bod y rhaglen yn werth da am arian. Dim ond drwy'r amser a'r adnoddau a roddir gan ein partneriaid mewn llyfrgelloedd a thimau ymwelwyr iechyd ledled Cymru y mae'r rhaglen Dechrau Da yn bosibl.
